ආචාර්ය සුලාක් සිවරක්ස නම් ලෝ ප්‍රකට බෞද්ධ චින්තකයා විසින් රචිත conflict, culture, change නම් කෘතියේ සිංහල පරිවර්තනය ලෙස මෙම කෘතිය හඳුනා ගත හැකිය. මහාචාර්ය ලියනගේ අමරකීර්ති මහතා විසින් සිංහලයට පරිවර්තනය කර ඇති මෙම කෘතිය ඇසුරින් වර්තමාන සමාජයේ විවිධ ප්‍රශ්න හා ගෝලීයකරණය වූ ලෝකයක බුදුදහමේ කාර්යභාරය මෙන් ම වටිනාකමත්, තායිලන්ත සමාජ ක්‍රමයේ බෞද්ධ දර්ශනයේ භාවිතීය පදනමත් විස්තර කරයි. ගෝලීය අර්බුදයට බෞද්ධ විසදුම්, අවිහිංසාව පිළිබඳ බෞද්ධ ප්‍රවේශයන් මෙන් ම බුදු දහම සහ පරිසරවාදය පිළිබඳව වන සංකල්පයන් මේ ඇසුරේ විවරණය වෙයි.බෞද්ධ සංස්කෘතිය, තායි සමාජ ක්‍රමය පිළිබඳ සංකල්පයන් හා උපදේශයන් තුළින් සාමකාමී හා අවිහිංසාවාදී ජිවිතයකට ගෙන එන ආදර්ශයන් මේ ඇසුරින් විමසුමට ලක් කර තිබේ.